Эдийн засгийн хямрал хэдий тулгарч байгаа ч гэсэн Монгол улсад нэгэн томоохон үйлдвэр 9 сарын 29ны өдөр нээлтээ хийлээ. Тэрээр цахилгаан кабелийн нийт хэрэгцээг бүрэн хангах боломж бүхий 14 төрлийн кабель үйлдвэрлэх хүчин чадалтай үйлдвэрийг Сибкабель-Энержи компани ашиглалтанд орууллаа.
“Сибкабель-Энержи” ХХК-нь анх 2002 онд “Их минж” ХХК нэртэйгээр гадаад, дотоод худалдаа эрхлэх чиглэлээр үүсгэн байгуулагдсан бөгөөд өнөөдөр манай компани нь ОХУ-ын “Сибкабель” үйлдвэрийн албан ёсны онцгой эрхэт дистрибьютор болсноос гадна ОХУ-ын ижил төрлийн “Иркутсккабель”, “Томсккабель”, “Камкабель” болон “Амуркабель” үйлдвэрүүдтэй хамтын ажиллагааны гэрээгээр амжилттай хамтран ажиллаж, барилгын цахилгаан, холбоо, уул уурхайн болон бусад тусгай тоноглол, төхөөрөмжийн бүх төрлийн кабель утаснуудыг аж ахуйн нэгж, байгууллага, хувь хүмүүсийн хэрэгцээ, захиалгаар түргэн шуурхай, найдвартай нийлүүлэн ажиллаж байна. Мөн 2014 оноос МУ-ын засгийн газрын хэрэгжүүлсэн импортыг орлох, экспортыг дэмжих төслийн хүрээнд цахилгаан кабель үйлдвэрлэх төслөөр оролцон шалгарч, төслийг хэрэгжүүлж дуусаад байна. Төслийн хүрээнд нийт 16 хүнийг тогтвортой ажлын байраар хангаж, 4.2 тэрбум төгрөгийг ажил үйлчилгээний төлбөр болон бараа худалдан авалт хийн шилжүүлсэн байна. Ингэснээр зөвхөн голлох түүхий эд нь МУ-аас бүрдсэн дэлхийн стандартад нийцсэн импортыг орлох эцсийн бүтээгдэхүүн болох кабель утасны үйлдвэрээ албан ёсоор нээж байгаадаа туйлын баяртай байна.
Энэхүү үйлдвэр нь өдөрт 12000м цахилгаан үйлдвэрлэх чадалтай бөгөөд ОХУ-ын стандартаар 99,999 сорьцтой утасыг үйлдвэрлэж байна. Тун удахгүй тухайн үйлдвэрийн хамт олон Унтраалга разетканы бас нэгэн томоохон үйлдвэр нээхээр ханцуй шамлан ороод байна