Хууль зүй, дотоод хэргийн сайд С.Бямбацогтын тушаалаар ЦЕГ-ын тэргүүн дэд дарга Ц.Батсүх, дэд дарга Ж.Буянбат, Ц.Ням-Очир нарыг үүрэгт ажлаас нь чөлөөлжээ. Тэдний оронд тэргүүн дэд даргаар Чингилтэй дүүргийн Цагдаагийн I хэлтсийн даргын албан туушаалыг хашиж байсан, хурандаа П.Батбаатар, дэд дарга Улаанбаатар хотын Цагдаагийн газрын дарга асан, туслах комиссар Ч.Болдбаатар, Нийгмийн хэв журам хамгаалах газрын Хамгаалалтын I газрын дарга, хурандаа М.Лувсандорж нарыг томилсон байна. П.Батбаатарын хувьд анх СХД-ийн Цагдаагийн хэлтэст ажиллаж, улмаар Хэнтий аймгийн Цагдаагийн газарт мөрдөн байцаагч, Мөрдөн байцаах газрын Хулгайн, Байгаль орчны, Эдийн засгийн гээд нэлээд олон хэлтсийн даргаар ажилласан туршлагатай аж. Ч.Болдбаатарын хувьд Баянгол дүүргийн Цагдаагийн хэлтэст мөрдөн байцаагчаас ажлын гараагаа эхэлсэн. 1996-2001 онд Эрүүгийн цагдаагийн газарт төлөөлөгч, ахлах төлөөлөгч, Дундговь аймгийн Цагдаагийн хэлтсийн дэд дарга, Эрүүгийн цагдаагийн газарт тасгийн дарга, СХД-ийн цагдаагийн дарга, 2012 оны есдүгээр сараас нийслэлийн Цагдаагийн газрын дэд бөгөөд Хэв журам хамгаалах газрын дарга, 2014 оны хоёрдугаар сараас нийслэлийн Цагдаагийн газрын дэд дарга бөгөөд Дэмжлэг үзүүлэх газрын дарга, Улаанбаатар хотын Цагдаагийн газрын дарга зэрэг албан тушаалыг хашиж байсан удаатай ажээ.