Өнгөрсөн өдөр Замын цагдаагийн газрын ЖШУХ нийт 333 дуудлага, мэдээ мэдээлэл хүлээн авчээ. Үүнээс зам тээврийн ослын 260 дуудлага бүртгэгдэж, 12 хүн хүнд, хөнгөн гэмтсэн байна. СХД-ийн Энхтайваны өргөн чөлөө, Хөрс худалдааны төвийн зүүн замд T.Succeed маркийн авто машины жолооч С нь явган зорчигч 07 настай эмэгтэй А-г мөргөж гэмтээжээ.
Мөн БГД-ийн нутаг Чингүнжавын гудамж, Улаанбаатар паласын зүүн замд T.Landcruiser маркийн авто машины жолооч Б нь явган зорчигч 32 настай эмэгтэй Ч, тэргэнд сууж явсан 01 настай эрэгтэй Т нарыг мөргөж гэмтээсэн байна. Харин согтуугаар тээврийн хэрэгсэл жолоодсон 27 жолоочийг илрүүлж гарч болзошгүй осол хэргээс урьдчилан сэргийлж ажиллажээ.