Дэлхийн эмзүйчдийн өдрийг анх 2009 оноос жил бүрийн есдүгээр сарын 25-ны өдөр тэмдэглэн өнгөрүүлж байхаар болсон билээ. Тэгвэл Монгол Улсад анх удаа энэхүү өдрийг тэмдэглэхээр боллоо. Ингэхдээ “Эм зүйч бид таны төлөө” уриан дор иргэдэд эмзүйч хүнийг таниулах, тэдний эрхийг хамгаалах талаар хэд, хэдэн ажлыг зохион байгуулахаар болжээ.
Энэ өдрийг тэмдэглэх болсон шалтгаан нь зарим иргэн эмзүйчдийг зөвхөн эмийн санч гэж ойлгодогтой холбоотой. Эмзүйчид эмийн үйлдвэрт ажиллаж судалгаа, шинжилгээ хийх зэрэг маш олон ажилтай. Тиймээс тэдний талаар нийгэмд зөв ойлголт өгөх нь чухал гэж тус салбарынхан хэлж байна.