Манай сонин цаг үеийн чухал үйл явдлуудыг үргэлж газар дээрээс нь сурвалжлан хүргэдэг. Монгол орныхоо өнцөг булан бүрт болж байгаа үйл явдлуудыг газар дээрээс нь сурвалжлан хүргэж, сэтгүүлчид байнга томилолтоор ажилладаг юм. Налгар намрын энэ өдрүүдэд ид өрнөж буй ургацын болц гүйцэж хурааж авахад бэлэн болсон талаар газар дээрээс нь хийсэн сурвалжлагыг хүргэж байна.
Энэ удаад Төв аймгийн Жаргалант сумын Талбулагийн бригадын шаргалтсан хөндийгөөс бэлтгэлээ. Өнөө жил эднийх гурван мянган га талбайд улаан буудай, рапс, гурвалжин будаа тарьжээ. Тодруулбал, улаан буудай хоёр мянган га талбайд тарьсан байна. Өөрөө үрээ бэлдчихдэг болохоор жил бүр улсаас үрийн будаа хүлээж цаг алдалгүйгээр тариалалтаа эхлүүлдэг цөөн тариаланчийн нэг нь “Хөх баянбулаг” компанийн захирал Ж.Ариунболд юм. Энэ жилийн хувьд улаан буудайн чанар ярих юмгүй сайхан байна хэмээн ярьж байна. Эднийх нэг га талбайгаас 7-8 центнер ургац хураан авдаг байна.
Мөн Борнуур сумын тариаланч Г.Батсүхийн тариан талбайгаар орж төмс хүнсний ногооны болц хэр байгаа талаар ярилцлаа. Г.Батсүхийнх нэг га талбайгаас 15 тонн төмс хурааж авч байгаа аж. Ченжүүд газар дээрээс нь нэг кг төмсийг 250 төгрөгөөр авдаг гэнэ. Сонгино нэг кг-г нь 500 төгрөгөөр өгдөг байна. Ногоочдын хувьд хүн бүл дутмаг байдаг аж. Өдөрт 15 мянган төгрөг өгье, хоол ундыг нь өгье гээд байхад ирэх хүн олддоггүй гэнэ. Ямар сайндаа л хотоос 10 хүн 20 мянган төгрөгөөр хөлслөн авчирч, ажиллуулжээ.
Ургацын талбайгаас бэлтгэсэн энэхүү сурвалжлагыг “Өдрийн сонин”-ы шинэ дугаараас хүлээн авч уншина уу. Хэрвээ манай сониныг захиалахыг хүсвэл 99112954, 99190570, 88111375 дугаарт холбогдоорой.
