Сэлэнгэ аймгийн Шаамар сумаас Түшиг сумын чиглэлд ургац, тариа тээврийн замыг засварлаж байна. Тодруулбал, энэ сарын 3-наас 5-ны өдрүүдэд үргэлжилсэн усархаг борооны улмаас замын ажил бага зэрэг саатаж, зарим хэсгүүдэд дахин их хэмжээний ус тогтож, эвдрэл ихээр үүссэн аж. Үүссэн нөхцөл байдлын дагуу одоогийн байдлаар Цагааннуур сумын чиглэлийн замыг автогрейдерээр хусч, хайрга нэмж тараах ажлуудыг хийж байгаа ажээ.