Сагсан бөмбөгийн олон улсын “Чингис Хаан Кап-2016” тэмцээн нөгөөдөр буюу есдүгээр сарын 7-нд эхлэх гэж байна. Энэ удаагийн тэмцээнд БНАСАУ-н шигшээ баг, БНСУ-ын лигийн баг, ОХУ-н Буриад улсын шигшээ баг, Хятадын Хөх хотын их сургуулийн шигшээ баг гэсэн дөрвөн орны баг уригдан ирээд байна. Манай улсаас Үндэсний I, II шигшээ багууд болон залуучуудын I, II шигшээ гэсэн найман баг өрсөлдөх юм.
БНАСАУ-н сагсан бөмбөгийн шигшээ баг манай оронд 12 тамирчин, гурван дасгалжуулагч, гурван албаны хүн, нэг шүүгч гэсэн 19 хүний бүрэлдэхүүнтэй баг тамирчид өчигдөр манай оронд хүрэлцэн ирлээ.
Өнгөрсөн жилийн “Чингис Хаан Кап” тэмцээнд мөнгөн медаль хүртсэн багийн бүрэлдэхүүнээс хоёр тоглогч өөрчлөгдөж, үндсэн бүрэлдэхүүн хэвээрээ хүрэлцэн иржээ. Мөн “Чингис Хаан Кап-2016” тэмцэээд хоёр Солонгосын сагсан бөмбөгийн багууд, 2010 оны Гуанжугийн Азийн наадмаас хойш анх удаагаа манай улсад учраа тааран тоглох юм.
Дашрамд хэлэхэд Өмнөд Солонгосын лигийн баг болон Буриад улсын шигшээ багууд маргааш хүрэлцэн ирэх бол БНХАУ-н Хөх хотын шигшээ баг өнөөдөр манай оронд ирэх аж.Монгол Улсын залуучуудын шигшээгийн хувьд энэ жилийн тэмцээнд хоёр баг бүрдүүлж орж байгаа юм. “Чингис Хаан Кап-2016” тэмцээн есдүгээр сарын 7-оос 11-ний хооронд, 14.00 цагаас Спортын төв ордонд явагдах ажээ.