ОХУ-ын нийслэл Москва хотноо олон улсын цэргийн оркестр, хүндэт харуулын жагсаалын уламжлалт фестиваль “Спасская Башня 2016” болж байгаа билээ. Энэхүү фестивальд манай улсыг төлөөлөн Зэвсэгт хүчний жанжин штабын үлгэр жишээ үлээвэр найрал хөгжим, Зэвсэгт хүчний 032 дугаар анги, Цэргийн дуу бүжгийн эрдмийн чуулга амжилттай оролцож, дэлхийд Монгол Улсынхаа нэр хүндийг мандуулж байна.
Манай улсын төрийн хүндэт харуулын ёслолын хувцас энэхүү наадмыг чимж байгааг олон улс орон, оросын ард түмэн шагшин магтжээ. Дашрамд дурдахад, манай улс тус фестивальд анх удаа оролцож байгаа бөгөөд энэ жил нийт 12 орны 22 цэргийн хөгжмийн оркестр, 8 хүндэт харуулын жагсаалаар улаан талбайг чимж байгаагаараа өнгөрсөн жилээс ялгаатай аж.
Тус фестиваль энэ сарын 4-ний өдрийг хүртэл үргэлжлэх юм.