Архангай аймгийн Булган суманд самар түүж явсан
иргэн модноос унаж, амиа алдсан харамсалтай хэрэг гарчээ. Тодруулбал,
энэ сарын 1-ний өдөр тус сумын Хардаг хад хэмээх газарт самар түүж явсан
Баянхонгор аймгийн 45 настай иргэн модноос унаж амиа алдсан байна.
Тус хэргийг Архангай
аймгийн цагдаагийн хэлтэст шалгаж байна.
Иймд цагдаагийн
байгууллагаас иргэдэд самар түүхээр өндөр мод руу хамгаалалтгүй гарч, амь насаа
эрсдэлд оруулахгүй байхыг анхааруулжээ. Дашрамд дурдахад, энэ жил зургаан иргэн самар
түүж яваад модноос унаж амь насаа алдсан байна.