Нийслэлийн Мэргэжлийн Хяналтын Ерөнхий газраас хичээлийн шинэ жилийн бэлтгэл ажлыг шалгаж, дүнг танилцуулжээ. НМХЕГ-аас явуулсан хяналт шалгалтаар есдүгээр сарын 01-нд үйл ажиллагаа нь засварын ажлаас шалтгаалан эхэлж чадахгүй цэцэрлэг, сургуулиуд байсныг тогтоожээ. Тодруулбал, Баянгол дүүргийн 86, 77, 11, 95, 242, Хан-уул дүүргийн 35, 46, Баянзүрх дүүргийн 211 дүгээр цэцэрлэгүүд хугацаанаасаа хоцорч нээлтээ хийх болжээ.
Мөн Баянгол дүүргийн 38, 73, Хан-уул дүүргийн 32, Баянзүрх дүүргийн 14 дүгээр сургуулиудын барилгын ажил энэ хичээлийн жилд ашиглалтад орох боломжгүй аж. Харин улсын хөрөнгө оруулалтаар шинээр баригдсан сургууль цэцэрлэгийн цогцолборууд нь цэцэрлэгийн гал тогоо, сургуулийн цайны газрыг нэг байхаар шийдвэрлэж өгсөн нь хүндрэл учруулсан тухай гүйцэтгэгч компаниуд онцолжээ.