ӨМӨЗО-ны Хөх хотод энэ сарын 21-ээс 26-ны хооронд болсон “Нэг зам, нэг бүс” олон улсын өсвөрийн хөл бөмбөгийн тэмцээн боллоо. Энэхүү тэмцээнд ОХУ, БНАСАУ, БНХАУ, Монголын баг тамирчид өрсөлдсөн аж. Тодруубал, манай улсаас 15 хүртэлх насны ангилалд “Талын хөх бэлтрэгнүүд” аваргалж, алтан медаль хүртжээ. Мөн тамирчид маань Азийн хөлбөмбөгийн холбооны зүүн бүсийн Фестивальд оролцохоор Хөх хотоос Бээжинг зорьсон байна.
Тус тэмцээнд Япон, БНХАУ, БНСУ, БНАСАУ, Хонгконг, Тайвань, Макау, Гуам, Умард Марианы арлууд, Монгол гэсэн 10 улсын шигшээ баг хүч үзэх аж. Манай багийн менежерээр МХБХ-ны Гүйцэтгэх хорооны гишүүн Б.Батзаяа, ахлах дасгалжуулагчаар Д.Нанжид, дасгалжуулагчаар Б.Баярхүү, эмчээр Д.Батчулуун нар ажиллаж байгаа ажээ.
