ШӨХТГ-ын дарга Д.Мөнхтөр үүрэгт ажлаасаа чөлөөлөгдөж, өмнө нь ШӨХТГ-ын дарга байсан Б.Лхагвааг томилсон. Д.Мөнхтөр өнгөрсөн оны арванхоёрдугаар сарын 25-нд тус газрын даргаар томилогдсон юм. Томилгоотой холбогдуулж Д.Мөнхбаяр сэтгүүлчдэд мэдээлэл хийсэн юм.
Тэрээр “ Есөнсарын хугацаанд агентлагийн дарга, улсын ерөнхий байцаагчаар ажиллалаа. Энэ хугацаанд тодорхой ажлуудыг хийж, хэрэгжүүлсэн. Үүнээс 15 ажлыг онцлох байдлаар хийсэн байна. МонголУлсын Засгийн газраас хэрэглэгчийн жил болгон зарлаж, Үндэсний хөтөлбөрийг боловсруулж, энэ байгууллагыг стратегитэй болгож, хэрэглэгчийн хуулийг шинэчлэн УИХ-д өргөн барьж, хөгжлийн чиг хандлагыг тодорхойлсон. Мөн ШӨХТГ-ыг байртай болгох ажлыг эхлүүлж, байрны шав тавьсны дотор хамтын ажиллагааг өргөжүүлж, гадны олон төслүүдийг амжилттай хэрэгжүүлсэн. Үүний үр дүнд гаднаас 6 орчим тэрбум төгрөгийг татан төвлөрүүллээ. Торгохоос илүүтэй зөвлөн туслан дэмжих чиглэлийг хэрэгжүүлж, мөн улсын төсөвт 6 тэрбум төгрөгийн торгууль, шийтгэл ноогдууллаа. Өрсөлдөөний хуулийг шинэчлэх ажлыг эхлүүллээ. Мөн бензиний үнийг түүхэндээ анх удаа 300 гаруй төгрөгөөр буулгаж чадсан. Энэ жилийн оюутны сургалтын төлбөр нэмэгдэхгүй болсон. Хэрвээ сургалтын төлбөр нэмэгдэх юм бол их, дээд сургуулиудад хатуу хариуцлага тооцох болно. Мөн “Эрдэнэс Таван толгой” ХХК-ыг шалгах ажлыг эхлүүллээ. Харамсалтай нь “Эрдэнэс Таван толгой”-г шалгах ажлын явцыг эхлүүлээд удаагүй байхад үед миний бие ажлаа өгөхөөр боллоо. Дараагийн Б.Лхагва даргыг хүрэлцэн ирж байгаад амжилт хүсч байна. Энэхүү хариуцлагатай ажлыг хийхэд дэмжсэн Монгол Улсын шадар сайд асан Д.Оюунбаатар болон надад итгэл хүлээлгэсэн МАХН-ын удирдлагуудад, намын гишүүддээ талархаж байгаагаа хэлмээр байна” гэв.