Америкийн автомашин үйлдвэрлэгч “Форд Мотор” компани 2021 оноос бүрэн автомат жолоодлоготой автомашиныг худалдаанд гаргахаар төлөвлөж байна.
Жолооны хүрд болон дөрөөгүй тээврийн хэрэгслүүдэд камер болон мэдрэгч технологиуд хийж мэргэшиж байгаа дөрвөн компанид “Форд Мотор” хөрөнгө оруулалт хийн автомат жолоодлоготой автомашин үйлдвэрлэхээр хамтран ажиллаж байгаа ажээ.
Энэ ажлын хүрээнд Калифорни муж улс дахь судалгааны төвийн ажилтнуудынхаа тоог тус компани нэмэгдүүлэхээр төлөвлөж байна.
Мөн автомат жолоодлоготой автомашины анхны 90 загвараа тус компани ирэх оноос зам дээр туршихаар төлөвлөж байгаа гэнэ.
Дэлхийн автомашин үйлдвэрлэгч компаниуд автомат жолоодлоготой автомашин үйдвэрлэхээр өрсөлдөж байна. Ийм машин нь автын осол болон замын түгжрэлийг багасгахад тус болох боломжтой гэж мэргэжилтнүүд үзэж байгаа юм.
О.ӨНӨР