Бразилийн Рио-де-Жанейро хотноо болж буй Зуны Олимпийн XXXI наадам 12 дахь өдрөө үргэлжлэн явагдаж байна. Энэ өдөр чөлөөт бөхийн эмэгтэйчүүдийн тэмцээн эхэлж байна.
Манай улсаас эрэгтэй зургаа, эмэгтэй дөрвөн бөх Риогийн дэвжээнд зодоглоно. Эмэгтэйчүүдийн 58 кг-ын жинд П.Орхон, 69 кг-д О.Насанбурмаа нар барилдана. Тэдний жинг үзсэний дараа сугалаагаар оноолтыг нь тааруулах аж.
Тэмцээн Улаанбаатарын цагаар 22.00 цагт эхэлнэ. Энэ удаагийн 58 кг-ийн жинд дэлхийн алдар цуутай бөхчүүд барилдах бөгөөд тэднийг дэлхийн 10 удаагийн аварга Японы алдарт бөх Каори Ичо тэргүүлж байгаа юм байна. Гэхдээ П.Орхон өнгөрсөн нэгдүгээрсард манай улсад болсон тэмцээнд түүнийг хаяж шуугиан тарьж байсан юм.
О.ӨНӨР