Наадам ч дууслаа, АСЕМ ч дууслаа. Одоо Монголчуудын ид хийж бүтээх цаг ирээд байна. Малчид өвс хадлангаа бэлдэж нийслэл хот өвөлжилтөндөө бэлтгэнэ. Энэ бүх нүсэр ажлыг толгойлогч нь МУ-ын Засгийн газар байдаг билээ. Тэгвэл Засгийн газрыг байгуулах ажлаа эхэлнэ гэдгээ Ерөнхий сайд Ж.Эрдэнэбат мэдэгдлээ. Тэрбээр өмнө нь мэргэжлийн Засгийн газар байгуулна гэдгээмолон нийтэд мэдээлсэн билээ. Тэрбээр “Мэргэжлийн Засгийн газар гэдэг бол тухайн салбартаа дадлага туршлага хуримтлуулсан, салбараа мэддэг хүнийг ажиллуулахыг хэлнэ.Тухайн салбарт ажиллаж байгаагүй буюу өөр мэргэжлийн хүн бол мэргэжлийн бус гэж үзнэ. Засгийн газрынхаа бүтцийг хийхдээ аль болох цомхон, цөөхөн, чадварлаг бүтцээр ажиллахаар төлөвлөж оруулна. Давхар дээлийн зарчмыг өнөөгийн байгаа түвшингээс бууруулна” гэсэн юм.