Зуны олимпын наадам эхлэхэд ердөө 20 хоног үлдээд байгаатай холбогдуулан Бразилийн холбогдох албаны хүмүүс Рио-де-Жанейро хотод терроризмтой тэмцэх сургуулилт хийлээ. Сургуулилтыг есөн цэнгэлдэх хүрээлэн байдаг Деодоро дүүргийн галт тэрэгний буудалд өчигдөр хийжээ. Цагдаа, цэрэг болон тагнуулын байгууллагын 800 орчим алба хаагч сургуулилтад оролцсон байна. Террорист бүлэглэлийнхэн галт тэрэгний нэг вагоныг булаан авсан гэсэн зохиомжид тулгуурлан сургуулилтыг хийжээ. Энэ сарын 14-нд Францын Ницца хотод олон хүний аминд хүрсэн халдлага болсны дараа Бразилийн Засгийн газар “Олимпын аюулгүй байдлыг хангах ажлыг эрчимжүүлнэ” хэмээн мэдэгдэж байсан юм.