Улсын дуурь, бүжгийн эрдмийн театрын тайзнаа энэ сарын 16-ны 17:00 цагаас Оросын алдарт хөгжмийн зохиолч П.И.Чайковскийн дэлхийн хамгийн алдартай театруудад тавигддаг “Хунт нуур” балетыг тоглоглох гэж байна.
Гурван бүлэг, дөрвөн үзэгдэлт энэхүү балет нь хөгжмийн зохиолч П.И.Чайковскийн балетын анхны бүтээл бөгөөд анх 1877 оны хоёрдугаар сарын 20-нд Москвагийн Их театрт тоглож байжээ. Харин манай улсын тайзнаа анх 1975 оны 6-р сарын 28-ны өдөр удирдаач УГЗ Ж.Чулуун, УДБЭТ-ын зөвлөх балетмейстр АЖ,ХБ Б.Жамъяндагвын дэглэлтээр анх тоглогдож байсан. Хамгийн анхны Одетта, Одиллиягийн дүрийг АЖ Ю.Оюун, Зигфридийн дүрийг МУГЖ Э.Оюунбат, Алиа салбадайн дүрийг АЖ О.Ганбаатар нар тоглож байсан юм.
Гол дүрүүд:
-Одетта – Хорон санаат шидтэний хун болгон хувиргасан сайхан сэтгэлт гүнж
-Одиллия – Хорон санаат Ротбарт гүнгийн охин
-Хан хүү Зигфрид
-Ротбарт ОТБАРТ
-Алиа Салбадай
-Па-де-труа
-Хатан эх
-Жижиг хунгууд
-Том Хунгууд болон УДБЭТ-ын балетын жүжигчид, ХБК-ийн сонгодог бүжгийн ангийн оюутнууд оролцон тоглоно.