Швейцарь улсын иргэн Бруно Дубач гэх 69 настай эрэгтэй хүн завьтай аялалд гараад ор сураггүй алга болжээ. Тэрээр Завхан аймгийн Идэр голоос өнгөрсөн тавдугаар сарын 24-нд завьтай аялалд гарсан байна. Ингээд Хөвсгөл аймгийн Төмөрбулаг сумын Онон голын бэлчир гэх газарт нутгийн малчид харснаас хойш сураггүй болжээ. Түүнийг эрэн хайх ажиллагааг Онцгой байдлын ерөнхий газраас зохион байгуулж байгаа аж. Монголд ирэх үед нь мэдээллээр хангасан Б.Түдэвваанчигт Бруно Дубоч аялагчийн охин алга болсон тухай хэлсэн байна. Завхан аймгийн Идэрийн голоос 20 хоног завьтай аялал хийж, Сэлэнгэ аймгийн Сүхбаатар сумын нутагт ирэх төлөвлөгөөтэй байсан байна. Хөвсгөл, Булган аймгийн Онцгой байдлынхан түүнийг эрэн хайх ажиллагаагаа зогсоосон бол Сэлэнгэ аймгийн Онцгой байдлынхан хайж эхэлжээ. Тэрээр сумаас сум дамжин явах байсан тул хоол хүнс нөөцөлж яваагүй аж.
О.АРИУНЦЭЦЭГ