Сүүлийн жилүүдэд залуус гадагшаа гарч ажиллаж амьдрах, сурах зорилгоор хилийн дээс алхах нь ихэссэн. Түүгээр ч зогсохгүй гадаадад амьдарч байгаа монголчууд амь алдах нь нэмэгджээ. Тухайлбал, он гарсаар гадаадад манай улсын 29 иргэн амь насаа алдсан байна. Үүний 12 нь өвчний нас барсан нь тогтоогджээ. Түүнээс гадна гадаадад ажиллаж амьдарч байгаа монголчуудын хууль эрх зүйн мэдлэг дутмаг байдгаас эрх нь зөрчигдөж, гэмт хэрэгт холбогдох, гэмт хэргийг хохирогч болох явдал гарсаар байгааг албаныхан мэдээлсэн байна.