ДАШТ-д багийн дүнгээр эхний найман байр эзэлсэн багууд урилгаар
оролцдог “Дэлхийн цом”-ын тэмцээн хоёр дахь өдрөө үргэлжилж буй.
Монголын эрэгтэй чөлөөт бөхийн шигшээ багийн хувьд гурван жил дараалан
өрсөлдөж, тэмцээнд манай улсаас эх орноо төлөөлж эрэгтэйчүүдийн 57 кг-д
Э.Бэхбаяр, С.Батболд, 61 кг-д Т.Түвшинтулга, 65 кг-д Г.Мандахнаран,
Б.Батмагнай, 70 кг-д Д.Алтангэрэл, 74 кг-д П.Өнөрбат, 86 кг-д О.Үйтүмэн, 97
кг-д Д.Хүдэрбулга, 125 кг-д Ж.Чулуунбат нар оролцож байгаа.
Монголын баг “А” хэсэгт ОХУ, Турк, Гүржийн багтай учраа таарсан.
Манай тамирчид эхний тойрогт Туркийн багийг 6:2-оор ялж, удаах даваанд ОХУ-ын
шигшээд 6:2-оор дийлдсэн юм. Улмаар гурав дахь барилдаанаа Гүржийн багтай хийн,
4:4-өөр тэнцсэн. Гэвч оноо тоолоход Гүржийн шигшээ 18:14-өөр ялж, хүрэл
медалийн төлөө барилдах эрх өвөртөлсөн бол манай залуус V байрын Азербайжантай
барилдахаар болсон. Улмаар манай бөхчүүд Азербайжаны шигшээд 5:3-аар дийлдэн,
VI байрт шалгарлаа.