Ерөнхий сайд Ч.Сайханбилэг Засгийн хурлын мэдээллийн танхимд сэтгүүлчдэд шуурхай мэдээлэл хийсэн байна. Засгийн газар өнөөдөр ээлжит бусаар хуралдаж Тавантолгойн хувьцаатай холбоотой шийдвэрийг гаргажээ. Тодруулбал, Тавантолгойн хувьцааг мөнгөжүүлэх тогтоолын төслийг тус хуралдаанаар хэлэлцсэн байна.
Засгийн газар иргэдийн Тавантолгойн хувьцааны 30 хувийг 300 мянган төгрөгөөр худалдаж авахаар болсон байна. Өөрөөр хэлбэл, иргэн хүсвэл энэхүү хувиа 300 мянгаар Засгийн газарт зарж болно гэсэн үг. Ийнхүү иргэдийн хувьцааны 30 хувийг худалдаж авснаар Тавантолгойн төмөр замын асуудал урагшилж, нүүрсээ боломжит хувилбараар борлуулах нөхцөл бүрдэх юм байна.
Гэрэл зургуудыг Ц.МЯГМАРСҮРЭН
