Буудлагын насанд хүрэгчдийн УАШТ үргэлжилж байна. Монголын Бүх ард түмний XIV Их наадмын хүрээнд болж буйгаараа онцлог тус тэмцээнд 22 байгууллагын 250 тамирчин цэц мэргэнээ сорьж буй. Өчигдөр хийн урт буу, 50 метрийн сонгомол гар бууны аваргууд тодорлоо. Эмэгтэйчүүдийн хийн урт бууны дасгалд “Рио-2016” олимпийн эрх авсан, ОУХМ Г.Нандинзаяа 420.7 оноогоор Монгол Улсын рекордыг шинэчилсэн бол “Аврагч” спорт хорооны тамирчин М.Түвшинжаргал ОУХМ цолны болзол хангалаа.
