Энэ сараас эхлэн орон нутагт элэгний C вирусийг тоолдог болж байна. Тодруулбал, Баянхонгор аймаг С вирус тоолдог анхны аймаг болжээ. С вирус илрүүлж, оношлох аппаратыг Баянхонгор аймгийн нэгдсэн эмнэлгийн төв лабораторид суурилуулан ажиллуулж эхэлсэн байна.
Энэхүү ажлын хүрээнд зохион байгуулагдаж байгаа “Элэг бүтэн Баянхонгор” төслийн нээлт өнгөрсөн сарын сүүлчээр Баянхонгор аймгийн Баганат талбайд болжээ. Тус арга хэмжээний нээлтийн үеэр элэгний хорт хавдар үүсгэгч хепатитын C, B, D вирусийг эрт илрүүлэн оношлох талаар мэдээлэл хийсэн байна. Элэгний С вирус тоолох шинжилгээ өртөг өндөртэй, тоног, төхөөрөмж нь ч өндөр үнэтэй байдаг учраас лабаротори болгон энэ үйлчилгээг үзүүлж чаддаггүй аж. Улсын эмнэлгүүд бол бараг хийж чаддаггүй. Төхөөрөмж нь байлаа ч төсөв хүрэлцэхгүй, урвалжаа авч чадахгүй тохиолдол ч гардаг байна.
Вирусийг гурван аргаар тодорхойлдог аж. Рапитист нь нэмэх, хасах сөрөг урвалаар илэрдэг тестийн арга. Титрийн арга аппарат дээр суурилагдсан тоон үзүүлэлтээр гаргадаг. Мөг вирусын идэвхжлийг тодорхойлох арга багтдаг байна. Нэг микр литр цусанд хэдэн ширхэг С вирус байгааг эхний шат, дараагийн шат, сүүлийн шатанд нь тодорхойлдог аж. Вирус тоолох шинжилгээг өлөн, архи дарс хэрэглээгүй үед өгдөг байна. Шинжилгээний хариу олон улсын Си нэгжээр гарна. Шинжилгээгээ өгөөд эмчилгээгээ хянах үедээ дахин шинжилгээ өгөхөд олон улсын нэгжээр гардаг аж. Тайланд, Америк, Монголдоо өгсөн ч яг адил нэгжээр хариугаа авдаг байна.