Оросын эрэгтэй чөлөөт бөхийн үндэсний аварга шалгаруулах тэмцээн Якут улсын Якутск хотын “Триуф” спортын ордонд гурван өдөр үргэлжилж тавдугаар сарын 30-ны өдөр дууссан билээ. Энэ тэмцээний 57кг-д хагас шигшээд дэлхийн хошой аварга Виктор Лебедев, Европын залуучуудын аварга Исмаил Мусукаев нарын барилдааныг шударга бус шүүлттэй болсон гэж үзэн дагестанчууд тэмцээнийг орхиж нутаг буцсан нь шуугиан болж байна.
Рио-2016 зорихын төлөөх Якут, Дагестан бөхийн тэмцлийг олон улсын шүүгч Д.Сэрээтэр дэвжээнд шүүсэн юм. Түүнийг “Нутгийн бөхийг хувиараа дэмжиж гаргахыг хүссэн луйвар хийлээ” гэж энэ талаар Дагестаны хэвлэлүүдэд “Монголын шүүгчид шударга бус, луйвар хийлээ” хэмээн бичсээр байна. Харин Якутын бөх, ДАШТ-ий хошой аварга Виктор Николаевич Лебедев шүүгч өөрийнх нь талд ажиллаад байгааг мэдсэн тул тамирчин хүний хөлс, хүч, хөдөлмөрийг үнэгүйдүүлэхгүйн тулд албан ёсоор уучлалт гуйж, “Рио-2016” олимпид орохгүй гэдгээ мэдэгдээд байна.