Олон улсын хүүхдийн
эрхийг хамгаалах өдөр болохтой холбогдуулан МХЕГ-аас Багануур дүүргийн
хүнсний худалдаа, үйлдвэрлэл, үйлчилгээний газруудад шалгалт хийжээ. Шалгалтын
явцад худалдаалж буй хүнсний түүхий эд, бүтээгдэхүүний чанар, аюулгүй
байдалд үнэлгээ өгч, дүгнэлт гаргах зорилгоор дээж авч, лабораторид шинжлүүлсэн
байна. Мэргэжлийн хяналтын хэлтсийн нян судлалын лабораторийн сорилтын дүнгээр
Хятад улсад үйлдвэрлэсэн “Долоогоно” жимсний сэндвичэн хатаамал чихэр
стандарт чанарын шаардлага хангаагүй байжээ. Дээрхи бүтээгдэхүүнийг
ихэвчлэн хүүхдүүд худалдан авдаг бөгөөд чанар, аюулгүй байдлын шаардлага
хангахгүй, нянгийн бохирдол бүхий бүтээгдэхүүнийг худалдан авахгүй,
худалдаалахгүй байхыг анхааруулж байна. Тухайн газарт хуулийн дагуу захиргааны
хариуцлага тооцон зөвлөмж өгч, чанарын шаардлага хангаагүй бүтээгдэхүүнийг
улсын байцаагчийн актаар хураан авч устгалд оруулахаар болсон байна.