Өнөөдөр” Скай ресорт” цанын баазад байгуулагдаж буй “Сити Слайд” буюу их хотын усан гулгуур нээлтээ хийлээ. Тус гулгуур 300 метрийн урттай бөгөөд Азидаа хамгийн урт гулгуурт тооцогдож байгаа аж.
Усан гулгуур гурван замтай бөгөөд нэг нь гэр бүлээрээ гулгахад буюу хүүхэд гулгахад тохиромжтой бол үлдсэн хоёр зам залууст зориулагдсан аж. Үйлчлүүлэгчдийн аюулгүй байдлыг хангах зорилгоор тусгай бэлтгэгдсэн ажилтнууд гулгах замын эхэн, дунд, төгсгөл хэсэгт ажиллах аж.
Тус газрыг зорин үйлчлүүлэгчдэд өдөр бүр автобус үнэ төлбөргүй (Драммын театраас хөдөлнө, төв номын сангийн баруун талд), Эхний 1000 үйлчлүүлэгч хөвүүр үнэ төлбөргүй, таван удаагийн болон хязгааргүй гулгах тасалбартай үйлчлүүлэгчид хөвүүр үнэ төлбөргүй байх аж. Өнөөдрийн тасалбараа онлайнаар урьдчилан зарсан тул тасалбар дууссан бөгөөд үнийн хувьд 5-15 мянган төгрөг. Мөн өнөөдөр орой энд “Будгийн шоу” болох юм.