Жүдо бөхийн олимпийн эрхийн оноо олгох хамгийн сүүлчийн тэмцээн болох “World Masters-2016” тэмцээн амжилттай үргэлжилж байна. Дэлхийд чансаагаараа жин тус бүрийн эхнийд 16-д эрэмбэлэгдэж буй тамирчид урилгаар оролцдогоороо онцлог уг тэмцээнд манай улсаас 17 бөх зодоглож байгаа юм.
Мастерс-ийн эхний өдөр МУГТ Д.Сумъяа түрүүлж гурван удаа Мастерс-ийн аварга болсон анхны монгол жүдоч болсон билээ. Мөн Д.Төмөрхүлэг бэртлийн улмаас аваргын төлөөх тоглолт дээр барилдалгүй мөнгөн медаль хүртэж, МУГТ Д.Амартүвшин хүрэл медаль хүртсэн. Тэгвэл хоёр дахь өдөр Г.Одбаяр аваргын төлөө барилдаж Японы бөхөд ялагдан мөнгөн медаль зүүсэн. Тэрбээр хэсгийн аваргын төлөө БНСУ-ын бөх Ан Чан Римийг ялсан ч финалд ялагдав.
Өнөөдөр хүнд жингийн барилдаан үргэлжлэн явагдаж тэмцээн өндөрлөх юм.