Өнөөдөр нийслэлчүүдийн хувьд гэр бүлийн өдөр тохиож байна. Энэ өдөрт зориулж “Соёмбо” кино театр, “Хүннү молл” үйлчилгээний төв зэрэг хувийн үйлчилгээний байгууллагууд гэр бүлүүдэд хөнгөлөлттэй үнээр үйлчлэх аж.
Монгол Улсад 800 гаруй мянган өрх, гэр бүл байдаг гэсэн судалгаа бий. Нийслэлийн Иргэдийн төлөөлөгчдийн хурлын тэргүүлэгчид “Хүүхдэд ээлтэй Улаанбаатар” хөтөлбөрийг баталж, энэ хүрээнд гэр бүлийн өдрийг тусгайлан тэмдэглэх буюу эцэг эхчүүд хүүхдэдээ заавал цаг гаргадаг байх гэсэн шийдвэрийг гаргасан билээ. Улмаар сарын бүрийн сүүлийн долоо хоногийн ням гаригийг гэр бүлийн өдөр болгон тэмдэглэж байхаар болсон юм.