Жүдо бөхийн олимпийн эрхийн оноо олгох хамгийн сүүлчийн тэмцээн болох “World Masters-2016” тэмцээн эхэллээ. Дэлхийн чансаагаараа жин тус бүрийн эхнийд 16-д эрэмбэлэгдэж буй тамирчид урилгаар оролцдогоороо онцлог эл тэмцээнд манай улсаас 17 бөх зодоглож байна.
Эмэгтэйчүүдийн 57 кг-д ДАШТ-ий хүрэл медальт, гавьяат тамирчин Д.Сумъяа аваргын төлөөх барилдаанд Францын тамирчинг юүко үнэлгээгээр ялж, аваргаллаа. Ийнхүүтэрээр энэ тэмцээнд гурав дахь удаагаа түрүүлж буй нь энэ. Эхний тойрогт хийлсэн Д.Сумъяа удаах даваануудад Нидерландын С.Верхаген, Их Британийн Смиье-Дэвис Некода, Тайванийн Чен-Ли Льен нарыг ялж, аваргалах замаа зассан юм.