“Өдрийн сонин”-ы бямба гаригийн дугаар хэвлэгдэн, захиалагчдадаа хүрлээ. Энэөдрийн дугаарт гарсан нийтлэл, сурвалжлага, ярилцлага, мэдээ мэдээллээс онцолж, тоймлон хүргэж байна.
Монголын автомашины дистрибьюторуудын ассоциаци ТББ-аас автомашины шоу зохион байгуулдаг. Энэ удаагийн “Улаанбаатар авто шоу-2016”-гийн эргэн тойрон дахь сурвалжлагыг нэгдүгээр нүүрнээс, дэлгэрэнгүйг долдугаар нүүнээс уншаарай.
Б.Баттулга гэх залуу сонгуульд нэр дэвшүүлээгүйн төлөө эсэргүүцлээ илэрхийлж С.Зоригийн хөшөөний дэргэд майхан барьж нойтон өлсгөлөн зарласан. Түүнтэй хийсэн ярилцлагыг улс төрийн хоёрдугаар нүүрнээс уншина уу.
“Өдрийн сонин”-ы нийтлэлийн бодлогыг тодорхойлж байдаг, алдарт гуравдугаар нүүрнээс сэтгүүлч С.Алтанцэцэгийн “Охидоо нөхөрт гаргахдаа инжтэй болгомоор байна” нийтлэлийг унших боломжтой.
Харвардын их сургуулийн Кеннедигийн нэрэмжит Улс төрийн их сургуулийн магистр хамгаалаад байгаа С.Эрдэнэболд болон Б.Отгонбат нарыг онцолсон “Өдрийн зочин” буланг тавдугаар нүүрнээс уншаарай.
Наймдугаар нүүрнээс Украины зэвсэгт хүчний дайчин, ахмад Надежда Савченкогийн тухай сонирхолтой нийтлэлийг унших боломжтой. Түүнийг сүүлийн үед дэлхий нийт Украины Жанна д’Арк гэх болсон. Мөн Дэлхийн эрүүл мэндийн байгууллагад ажиллаж буй доктор Д.Баярсайхантай хийсэн ярилцлагыг есдүгээр нүүрнээс унших боломжтой.
Уламжлалт “Нэг ангийнхан” буланд Төв аймгийн Баянчандмань сумын найман жилийн дунд сургуульд тэртээ 1962 онд элсэн орж улмаар арван жил нэг ангид тохой нийлүүлэн суусан ангийнхан уригдан оролцсон.
Бямба гаригийн дугаарт тогтмол гардаг “Өд бэх” буланд Ардын уран зохиолч Т.Галсангийн шүүмж хэвлэгдлээ. Мөн “Титэм” хамтлагийн дуучин Л.Тайванбаттай хийсэн ярилцлага энэ удаагийн дугаарт нийтлэгдлээ.
Түүнчлэн “Ном ярьж өгье”, “Таны гал тогоонд” булангуууд мөн гоо сайхны зөвлөгөөг таны амралт, чөлөөт цагт зориулан нийтэллээ.
Эрхэм уншигч та, манай сонины өнөөдрийн дугаарыг “Монгол шуудан” компанийн нийслэл Улаанбаатар дахь 35 салбар, “Түгээмэл” шуудан, “Улаан баатар”, “Скай” шуудангийн салбаруудаас очиж авч болох ба сонин борлуулах бүхий л цэгүүд, Хэвлэлийн биржээс худалдан авах боломжтой юм. Мөн “Мөнгөн завъяа” дахь сонин борлуулах цэг, Сансрын үйлчилгээний төв дэх сонин борлуулах цэг, Хан-Уул дүүргийн 19 дүгээр хорооллын үйлчилгээний төвд байрлах сонин борлуулах цэг, Саппорогийн “Миний дэлгүүр” дэх сонин борлуулах гол гол цэгүүдээс худалдан авч болохыг дуулгая. “Өдрийн сонин”-ы өөрийн байранд ирж худалдан авч бас болно.
“Өдрийн сонин”-той холбоотой бүхий л мэдээллийг Мэдээлэх эрхийн утас 19001987-гоос лавлаж болох ба захиалга өгөхийг хүсвэл 9911-2954, 8811-1375 дугаарт холбогдоно уу. Хэрэв цахим хэлбэрээр нь захиалахыг хүсвэл 88071920 дугаарт холбогдож дэлгэрэнгүй мэдээллийг лавлаарай.
“ӨДРИЙН СОНИН” ӨГЛӨӨ БҮХНИЙ УРГАХ НАРНААР ТАНТАЙ ХАМТ