Оросын Төрийн Дум хөдөлмөрийн хөлсний доод хэмжээг 21 хувиар нэмэгдүүлэх шийдвэр гаргасныг Новости агентлаг мэдээллээ. Ингэснээр одоогийн хөдөлмөрийн хөлсний доод хэмжээ болох 6204 рубль буюу 192 мянган төгрөгийг 7500 рубль буюу 232 мянган төгрөг болгож нэмэгдүүлэх аж. Уг тогтоол ирэх долоодугаар сараас эхлэн хэрэгжих юм байна. Цалингийн доод хэмжээг нэмсэн ч энэ оны эхээр тус улсын Хөдөлмөрийн сайдын тооцоолсон 9452 рубль буюу 292 мянган төгрөгт хүргэнэ гэсэн зорилтод хүрээгүй гэж тус улсын хэвлэлүүдэд бичжээ.