Домогт “Битлз” хамтлагийн хэн ч харж байгаагүй шинэ
бичлэг олджээ. Австралийн гэрэл зураг, аудио баримтын Үндэсний архивт энэ
хальсыг Суэний гэр бүлийнхэн өгсөн байна. Алдартай дөрвөл “The
Music of Lennon & McCartney” нэвтрүүлэгт оролцохын өмнөхөн энэ
бичлэгийг хийсэн гэнэ. 1965 оны 11-р сарын 1 гэсэн он сартай энэ хальсан
дээр “The Beatles” хамтлагийнхан хувцасны өрөөнд байгааг та бүхэн
харж байна.
Бичлэгийн эзэн нь Австралийн бүжигчин, нүүр будагч Дон Суэйн гэдэг бүсгүй
аж. “Би хувцасны өрөөнд байсан. Тэгээд бид оргилуун дарс ууж суулаа.
Энэ үеэр Жон билүү Ринго камерыг авсан, яг хэн нь байсныг би санахгүй байна.
Тэр “Чи камерыг буруу ашиглаад байна” гэж хэлэээд камерыг уруу
харуулан сэгсэрч эхэлсэн. Бүгд л ийш тийшээ гүйлдээд л. Гэхдээ маш гайхалтай
байсан, би Битлзийнхнийг хэлж байна” гэж Дон Суэн дурсчээ. Энэ
бичлэгийг огт санамсаргүй илрүүлжээ. Дон Суэний охин гэрийн архиваа ухаж
байгаад олсон гэнэ.