“Өдрийн сонин”-ы пүрэв гаригийн дугаар хэвлэгдэн, захиалагчдадаа хүрлээ. Энэ өдрийн дугаарт гарсан нийтлэл, сурвалжлага, ярилцлага, мэдээ мэдээллээс онцолж, тоймлон хүргэж байна.
Монгол Улсын Засгийн газар, Монголын үндэсний худалдаа аж үйлдвэрийн танхим хамтран ТОП-100 аж ахуй нэгжийг шалгаруулж, өргөмжилсөн юм. Өнөө жил “Эрдэнэт үйлдвэр” ХХК топ-100 аж ахуй нэгжийг тэргүүлсэн байна. Эдгээр шилдэг байгууллагуудыг шалгаруулахдаа Сангийн яам, Гааль, татварын газар, Статистикийн газрын албан ёсны тайлан мэдээг үндэслэсэн юм билээ. Татвар, орлого, ашиг, ажилчид гэх мэт үндсэн 5 үзүүлэлтээрээ тэргүүлсэн эдгээр топ-100 аж ахуй нэгжийн шалгаруулалтын ёслолоос хийсэн дэлгэрэнгүй сурвалжлагыг өнөөдрийн дугаартаа онцоллоо. Сурвалжлагыг нэг, 11 дүгээр нүүрээс уншина уу.
Энэ долоо хоногийн эхээр ХХАА-н яаманд үр тариа эрхлэгчид цуглан багагүй үймээн, бужигнаан үүсгэсэн. Тэвэл салбарын сайд Р.Бурмаа ярилцлага өгч, яагаад ийм асуудал үүсээд байгааг тайлбарлажээ. “Тариаланчдын нэр барьсан хэдхэн хүнээр төрийн ажлыг хязгаарлуулахгүй” хэмээх ярилцлагыг нэг, хоёрдугаар нүүрт хэвлэлээ. Үр тариа эрхлэгчдийн “Газар тариалан” холбооны удирдах зөвлөлийн гишүүн Б.Эрдэнэбат мөн энэ сэдвээр байр сууриа илэрхийлснийг хоёрдугаар нүүрээс уншаарай.
“Өдрийн сонин”-ы нийтлэлийн бодлогыг тодорхойлж байдаг, нийгмийн үзэл санааны хамгийн том талбар, нэгэн залуур чиг болж байдаг Баримт, үзэл бодлын гуравдугаар нүүрт манай сонины Орлогч эрхлэгч, төрийн шагналт зохиолч, нэрт нийтлэлч Б.Цэнддоогийн “Үлгэр, үнэн, үлгэр” нийтлэл хэвлэгдэн гарлаа.
Тэгвэл “Улс төр” булангийн тавдугаар нүүрээс “Сонгууль хойшлохгүй, мандатын тоо ингэж өөрчлөгдөнө” материалыг уншаарай. “УИХ-ын 76 гишүүний 28 нь намын нэрсийн жагсаалтаар сонгогдож байгаа нь Үндсэн хуулийн зарим зүйл заалтыг зөрчсөн” хэмээх дүгнэлтийг Цэцээс гаргасан. УИХ дахь АН, МАН-ын бүлэг Цэцийн дүгнэлтийг хүлээж авахаар болсон бол “Шударга ёс” эвсэл завсарлага авсан. Завсарлагын хугацаанаас үүдэн сонгууль зургадугаар сард болох уу, эсвэл 11 дүгээр сард болох уу гэдэг асуудал олон нийтийн дунд үүссэн. Тэгвэл энэ тухай манай сонины тавдугаар нүүрээс дэлгэрэнгүй уншина уу.
Эдгээрээс гадна Баримт, үйл явдлын зургаа, долдугаар нүүрээс цаг үеийн мэдээ мэдээллийг унших боломжтой. Мөн удахгүй болох үе үеийн Болор цомын эздийн үдшийн талаарх ярилцлага, Өмнөд Монголын нутгаар явсан тэмдэглэл зэргийг өнөөдрийн дугаараас уншаарай.
Эрхэм уншигч та, манай сонины өнөөдрийн дугаарыг “Монгол шуудан” компанийн нийслэл Улаанбаатар дахь 35 салбар, “Түгээмэл” шуудан, “Улаанбаатар”, “Скай” шуудангийн салбаруудаас очиж авч болох ба сонин борлуулах бүхий л цэгүүд, Хэвлэлийн биржээс худалдан авах боломжтой юм. Мөн “Мөнгөн завъяа” дахь сонин борлуулах цэг, Сансрын үйлчилгээний төв дэх сонин борлуулах цэг, Хан-Уул дүүргийн 19 дүгээр хорооллын үйлчилгээний төвд байрлах сонин борлуулах цэг, Саппорогийн “Миний дэлгүүр” дэх сонин борлуулах гол гол цэгүүдээс худалдах авч болохыг дуулгая. “Өдрийн сонин”-ы өөрийн байранд ирж худалдан авч бас болно.
“Өдрийн сонин”-той холбоотой бүхий л мэдээллийг Мэдээлэх эрхийн утас 19001987-гоос лавлаж болох ба захиалга өгөхийг хүсвэл 9911-2954, 8811-1375 дугаарт холбогдоно уу. Хэрэв цахим хэлбэрээр нь захиалахыг хүсвэл 88071920 дугаарт холбогдож дэлгэрэнгүй мэдээллийг лавлаарай.
“ӨДРИЙН СОНИН” ӨГЛӨӨ БҮХНИЙ УРГАХ НАРНААР ТАНТАЙ ХАМТ