УИХ-ын Төрийн байгуулалтын хороо хуралдаж, Үндсэн хуулийн цэцийн 05 тоот дүгнэлтийг хүлээж авахыг дэмжлээ.
Хуралдаанд оролцсон Р.Гончигдорж гишүүн цэцийн дүгнэлтийг хүлээж
авахгүй, хууль бус шийдвэр гаргахад оролцохгүй хэмээн үзэж, картаа
сугалсан. Гэсэн ч байнгын хорооны дарга Су.Батболод гишүүнийг дуудаж,
ирц бүрдүүлснээр хуралдааныг хэвийн үргэлжлүүлсэн. Ингээд гишүүд асуулт
асууж, хариулт авсны дараа байнгын хорооны гишүүдийн олонхийн саналаар
цэцийн дүгнэлтийг хүлээж авахаар боллоо. Цэцийн 05 тоот дүгнэлтийн дагуу УИХ сонгуулийн хуулинд өөрчлөлт оруулж, пропорцианаль элементээр 28 гишүүн сонгохгүй болох юм.