Өнгөрсөн онд навс унаад байсан ноолуурын үнэ энэ хавар дахин сэргэжээ. Тухайлбал, нэг кг ноолуурын үнэ 68 мянган төгрөг хүрч байгаа аж. Өнгөрсөн жил нэг кг ноолуур 55 мянган төгрөгөөс дээш гараагүй бол өнөө жил ийн сэргэсэн байна.
Сүүлийн хоёр гурван жил дараалан ноолуурын үнэ ханш, мөн малын гаралтай түүхий эдийн үнэ унаснаас малчид эдийн засгийн хүнд байдалд ороод байгаа юм. Оюутныхаа сургалтын төлбөрийг төлөх, малчны зээлээ төлөхөд хүндрэлтэй болоод байсан юм. Харин энэ хавраас ноолуурын үнэ сэргэсэн нь малчдын орлогод эерэгээр нөлөөлж эхэлсэн байна.