Цагдаагийн хошууч эмэгтэйг аавтай нь
хамт хөнөөж, гэр бүлийнх нь хоёр хүнийг шархдуулсан онц ноцтой хэрэг
өнгөрсөн оны 11 дүгээр сарын 26-наас 27-нд шилжих шөнө гарсан билээ.
Энэхүү хэргийг өнөөдөр Баянзүрх, Сүхбаатар, Чингэлтэй дүүргийн эрүүгийн
хэргийн анхан шатны шүүх дээр хэлэлцсэн боловч тодорхой шалтгааны улмаас
хойшлуулжээ.
Хэрэг гарсан даруйд уг хэрэгтэй
холбогдуулан цагдаагийн байгууллагынхан Пүрэв овогтой Батбаярыг
сэжиглэж, улс орон даяар эрэн сурвалжлах ажиллагааг эхлүүлсэн. Улмаар
цагдаагийн ажилтнууд шуурхай ажиллаж өнгөрсөн 11 дүгээр сарын 29-ний
12:00 цагийн үед сэжигтэн Б-г Хан-Уул дүүргийн нутаг дэвсгэр, Яармаг
орчмоос баривчлан саатуулсан байдаг. Тухайн үед эжигтэн П.Батбаяр
талийгаач бүсгүйг дүүтэйгээ суулгахгүй гэснийх нь төлөө хөнөөсөн байж
магадгүй гэсэн мэдээлэл гарч байсан юм.