Египетийн Александриа хотоос Каир руу нислэг үйлдэж байсан орон нутгийн зорчигч тээврийн онгоцыг зэвсэгт этгээд барьцаалсан байна. Барьцаалагч онгоцны чиглэлийг өөрчилж Кипр арлын Ларнака нисэх буудалд газардуулжээ.
Энэ хэрэг орон нутгийн цагаар 08.30 цагт гарсан байна. Барьцаалагдсан “EgyptAir” компанийн “Airbus A320” онгоцонд 80 гаруй зорчигч явж байгаа талаар “BBC” агентлаг мэдээлэв. Харин Их Британийн “Skynews” агентлаг онгоцонд 55 зорчигч байсан гэж мэдээлж байна.
Одоогоор Египетийн тал барьцаалагчтай хэлэлцээр хийж байгаа аж.