УИХ дахь Ардчилсан намын бүлэг өнөөдөр хуралдаж, ээлжит бус хуралдаанаар хэлэлцэхээр төлөвлөсөн Ашигласан түлшний болон цацраг идэвхит хаягдлын менежментийн аюулгүй ажиллагааны тухай конвенци болон холбогдох бусад асуудлыг хэлэлцээд, энэ асуудлаар Засгийн газар тусгайлан хуулийн төсөл өргөн мэдүүлэх нь зүйтэй гэж үзсэн байна.
Хуулийн төсөл нь Монгол Улсад цөмийн хог хаягдал болон түлшийг импортоор оруулж ирж булшлахгүй байхыг заасан зохицуулалттай байх аж. Засгийн газрын зүгээс өнөөдөртөө багтаан энэхүү хуулийн төслийг УИХ-д өргөн мэдүүлэх бөгөөд хуулийн төслийг өргөн мэдүүлсний дараа ээлжит бус чуулганыг нээж, хуулиудыг хэлэлцэх юм байна.