Монгол Улсын Ерөнхийлөгч Ц.Элбэгдорж нийгмийн идэвхтэй залуус болон нүүрном, жиргээчдийн төлөөлөлтэй уулзалт хийж байна. Он гарснаас хойш Ерөнхийлөгч гурав дахь удаагаа цуврал уулзалтаа хийж буй юм. Ерөнхийлөгч уулзалтаараа цаг үеийн асуудлын хүрээнд ярилцах бөгөөд зарим сонирхсон асуултад хариулж байна.
Тухайлбал, Мүүнтэй холбоотой асуултад хариулахдаа Ерөнхийлөгч Ц.Элбэгдорж “Мүүн гэдэг хүн үхсэн. Монголчууд бид хоорондоо хагаралдах хэрэггүй. Мүүнээр хийсэн нэвтрүүлгийг би үзсэн. Муу юм гэж бодож байгаа бол бушуухан сэтгэлээсээ авч хая. Монголын төр иргэнээ хамгаална. Бид иргэдийнхээ талд зогсоно. Монголчууд өөрсдийн шүтээнтэй, би өөрийн эх оронтой, аав, ээжтэй, шүтээнтэй хүн. Мүүнтэй гар бариад Мүүн болох юм уу. Би Ерөнхийлөгч болоод тэр хүнтэй уулзаагүй. Өмнө нь түүнтэй уулзсан. Та нэг уулзаад өгөөч гэхэд нь уулзаж гар барьсан. Өнөөдөр нэг зураг бариад хэнийг ч юу ч гэж хэлж болно. Та нар зураг аваад сууж байна. Үүнийгээ эвлүүлээд юу ч гэж хэлж болно биз дээ. Одоо 1990 он биш ээ” хэмээв. Энэхүү уулзалтыг Ерөнхийлөгчийн албан ёсны твиттер хуудас болон нүүр номоор шууд дамжуулж байгаа юм.