Баянзүрх, Чингэлтэй, Сүхбаатар дүүргийн шүүх хурлаас 2016 оны гуравдугаар сарын 16-ны өдөр УИХ-ын гишүүн Х.Баттулгын туслах Г.Түвшинжаргалыг цагдан хорих шийдвэр гаргасан. Үүнтэй холбогдуулан шүүх хөхүүл хүүхэдтэй бүсгүйг цагдан хорих шийдвэр гаргасан гэх зэргээр шүүмжлэл өрнөж буй билээ. Тэгвэл Х.Баттулгын туслах Г.Түвшинжаргал өнөөдрөөс эхлэн өлсгөлөн зарлахаар болж буйгаа мэдэгдсэн байна. Тэрээр өргөдөлдөө “Готов овогтой Түвшинжаргал миний бие 2016 оны гуравдугаар сарын 16-ны өдөр Эрүүгийн хуулийн 148 дугаар зүйлийн 148.4 болон 166 дугаар зүйлийн 166 заалтаар тус тус зүйлчлэгдэн тус хорих ангид цагдан хоригдсон. Миний бие 2010 оноос хойш УИХ-ын гишүүн Х.Баттулгатай хамтран ажиллаж байсан бөгөөд хууль бус үйл ажиллагаа хийж байсан удаагүй, түүнийг эх орны хөгжил, эдийн засгаа тогтворжуулах, хүчирхэгжүүлэх, ард түмний амьдралыг дээшлүүлэхээр санаачилсан олон төсөл, хөтөлбөрийг ажил хэрэг болгож хэрэгжүүлэхийн төлөө тууштай ажилласан. Г.Түвшинжаргал би бага насны 2 хүүхэдтэй, том охин 9 настай, бага хүү ой 7 сартай, хөхөөр хооллодог, одоогийн байдлаар өвчтэй асран халамжлах хүн шаардлагатай байна. Иймд дээрх тулгаж буй зүйл заалтуудыг болон цагдан хорьж буй үйл ажиллагааг хүлээн зөвшөөрөхгүй байгаагаа мэдэгдэн, амь нас, эрүүл мэндээрээ дэнчин тавьж батлан даалтад гарах хүртэл хугацаагаар өлсгөлөн зарлаж байгаагаа үүгээр мэдэгдэж байна” гэжээ.
One reply on “Г.Түвшинжаргал өлсгөлөн зарлахаа мэдэгдлээ”
Арматура диаметром 32 мм, изготовленная из стали марки А500С, является одним из самых востребованных видов металлопроката в строительстве. Она применяется при возведении фундаментов, армировании стен и перемычек. https://armatura32.ru