Саяхан болсон “Лиллехаммер-2016” залуучуудын өвлийн олимпийн холимог багийн төрөлд ОУХМ Б.Сумъяа түрүүлж, Монгол Улсын анхны өвлийн олимпийн аварга болсон билээ. Түүний энэхүү амжилтыг төр засгаас үнэлж, 40 сая төгрөгөөр, түүний дасгалжуулагч Д.Энхбаярыг 20 сая төгрөгөөр шагнажээ. Уг шагналыг энэ сарын 4-нд болсон Монголын бүх ард түмний XIV их наадмын нээлтийн үеэр гардуулсан байна.
Б.Сумъяагийн спортын амжилтыг сайшааж, хэдхэн хоногийн өмнө ЭМСЯ-наас Биеийн тамир, спортын тэргүүний ажилтан тэмдгээр мөн шагнасан билээ.