“Нарантуул” захад дахин гал гарав. 2013 оны наймдугаар сард хүнсий зах тэр чигтээ шатаж байсан билээ. Тэгвэл өчигдөр буюу гуравдугаар сарын 2–ноос 3-нд шилжих шөнийн 03:00 цагийн орчимд “Нарантуул” захын торго бөс бараа худалдаалдаг газарт гал гарсан юм. Нийслэлийн шуурхай удирдлагын төвд 03:36 цагийн үед анх нэгэн иргэнээс гал гарч байгаа гэх дуудлага ирсэн гэнэ. Нийслэлийн онцгой байдлын газрын 100 гаруй алба хаагчид гарсан галыг 05:00 цагийн үед галыг бүрэн унтраасан.
Албаны эх сурвалжаас авсан мэдээллээр “Нарантуул” захын хамгаалалтын албаны гурван ажилтан болон хоёр энгийн иргэнийг цагдаагийн байгууллагаас гал гарсан хэрэгтэй холбоотойгоор баривчилсан байна. Та энэ талаарх дэлгэрэнгүй мэдээллийг “Өдрийн сонин”-ы өнөөдрийн дугаараас уншаарай.