НӨАТ-ын Урамшууллын систем хэрэгжиж
эхэлсэнтэй холбоотой хонжворт сугалаа орон даяар явуулж байгаа билээ.
Тэгвэл НӨАТ-ын урамшууллын сугалааны тав дахь тохирол өнөөдөр орой
МҮОНТ-ээр 19:30 цагаас шууд явагдана. Энэ сарын сугалааны хонжворын сан
675900000 төгрөг болжээ. НӨАТ-ын нэгдүгээр сарын 31-ний өдрийн
сугалааны тохиролд нийт 3,316,091 гаруй баримт хэвлэгдэн гарснаас улсын
хэмжээнд 3316 азтан тодорсон байна.
Та баримтаа бүртгүүлээгүй ч сугалаанд
оролцох боломжтой. Харин бүртгүүлж амжаагүй баримтаараа сугалаанд азтан
болсон тохиолдолд 90 хоногийн хугацаанд бүртгүүлж шагналаа авах
боломжтой аж. Гэхдээ тухайн баримт нь хэвлэгдсэн өдрөөс хойш эхний
сугалааны тохирол хүртэлх хугацаанд хүчинтэй юм байна.