Сагсан бөмбөгийн бүх оддын тоглолт Хандгайт дахь сагсан бөмбөгийн ордонд хоёр дахь өдрөө үргэлжилж байна. Бүх Оддын тоглолтын оргил мөч СПРАЙТ СЛЭМ ДАНК-ын тэмцээн байдаг.Монголын анхны Цагирган дээрээс довтлох тэмцээний аварга, Сагсан бөмбөгийн Олон Улсын Хэмжээний мастер,” Монгол Пиппен” Пүрэвбатын Батзаяагийн нэрэмжит “Sprite Slam dunk Contest”-д супер лигээс шилэгдсэн шилдэг дөрвөн данкер өрсөлдлөө. Оролцогч бүр үзэгчдийг суудлаас нь өндөлзүүлсэн данкуудыг хийж галзуу байсан юм.
Ингээд 2015-2016 оны улирлын Спрайт Слэм Данк тэмцээний аваргаар 360 градус эргэж, чөлөөт шидэлтийн шугамнаас шахуу үсэрч тохсон тохолтоороо СБЛ Хасын Хүлэгүүд багийн тоглогч Марвелл Харрис аваргаллаа. Өөрийн зүүн гараараа данк хийж буй зурагнаас сэдэвлэн Монгол дархан бүтээсэн цомыг ОУХМ П. Батзаяа өөрийн биеэр ирэн гардуулсан юм.
