Маргааш УИХ-ын ээлжит бус чуулганыг нээнэ. Чуулганы нээлтийн дараа ҮХЦ-ийн гишүүнийг эгүүлэн татах асуудлыг үргэлжүүлэн хэлэлцэхээр төлөвлөжээ.
ҮХЦ-ийн гишүүнийг эгүүлэн татах асуудлаар УИХ дахь МАН-ын бүлгийн авсан завсарлагын хугацаа дуусгавар болж байгаа юм. Мөн Хууль зүйн байнгын хорооны хуралдаан 14.00 цагаас “Их Эзэн Чингис хаан танхим”-д болно. Хурлаар Эрүүгийн хэрэг шалган шийдвэрлэх тухай /шинэчилсэн найруулга/ болон холбогдох бусад хуулийн төслүүд /Засгийн газар 2016.02.12-ны өдөр өргөн мэдүүлсэн, хэлэлцэх эсэх/; Хууль сахиулах тухай болон холбогдох бусад хуулийн төслүүд /Засгийн газар 2016.02.12-ны өдөр өргөн мэдүүлсэн, хэлэлцэх эсэх/; Шүүхийн шийдвэр гүйцэтгэх тухай болон холбогдох бусад хуулийн төслүүд, Үндсэн хуулийн цэцэд маргаан хянан шийдвэрлэх ажиллагааны тухай хуульд өөрчлөлт оруулах тухай хуулийн төсөл, Эрүүгийн хуульд нэмэлт оруулах тухай хуулийн төсөл /Улсын Их Хурлын гишүүн Ш.Түвдэндорж 2016.02.08-ны өдөр өргөн мэдүүлсэн, хэлэлцэх эсэх/; Монгол Улсын иргэний харьяаллын тухай /шинэчилсэн найруулга/ болон холбогдох бусад хуулийн төслүүд /Монгол Улсын Ерөнхийлөгч 2016.02.08-ны өдөр өргөн мэдүүлсэн, хэлэлцэх эсэх/ зэргийг хэлэлцэх юм.
Мөн Төсвийн байнгын хороо, Аюулгүй байдал, гадаад бодлогын байнгын хорооны хуралдаан 14.00 цагаас болно.