Сүхбаатар дүүргийн ахмад настан Б.Чогсом
Байгалийн шүтэлцээг танин мэдэхүйд түшиглэсэн монгол зурхайн билгийн тооллын хаврын тэргүүн цагаан сарын шинийн нэгний монгол түмний үндэсний уламжлалт баярыг жаран жарнаар өртөөчлөн дээдэлж, тэмдэглэдэг үйл ажиллагаа буурал түүхийн нугачаан дунд бурангуйчуудын бусармаг явуулгаар “малчдын” гэсэн явцуухан нэртэй болж, тухайн баяраар нас, буян нэмэх бэлгэдэлт гоёлын дээл хувцас тэдгээрийн эмжээр, товч, өлзий хатгамлын солонгоролт дэлхийд ганцхан бөгөөд давтагдашгүй өв соёл арилж, үр хүүхэд нь ажил тарсны дараа харанхуй шөнөөр эцэг эхдээ золгодог байсныг өнөөдрийн 30 хүртэл насныхан яаж мэдэх вэ дээ. 2005 оноос хойших хугацаанд манай улсын хүн амын тоо 16,1 хувиар өссөн байхад, ахмад настны тоо 21,9 хувиар нэмэгджээ. 2010 онд хөдөлмөрийн насны 10 хүнд тэтгэврийн нэг хувь ноогдож байсан бол 24 жилийн дараа хөдөлмөрийн насны дөрвөн хүнд нэг ахмад настан ноогдож, ахмад настны тоо хоёр дахин өсөх нь тогтоогджээ. Ер нь 21 дүгээр зуунд ахмад настны тоо давамгайлах таамгийг Дэлхийн эрүүл мэндийн байгууллага тодорхойлжээ. Манай орны настнуудын 80 хувь нь ямар нэг өвчтэй. Зарим нь 3-4 төрлийн өвчтэй байдагт зүрх судасны, бөөр шээсний замын эмгэг, нүд, амьсгалын замын өвчлөл зонхилдог нь барихаар олон жил яригдсаар байгаа ахмад настны эмнэлэг онцгой шаардлагатайг гэрчилнэ. Настнуудын нийгмийн асуудалд чиглэгдсэн хууль, тогтоомжийг сурталчлах, хэрэгжүүлэлтэд нь хяналт тавьж, тулгамдсан асуудлуудыг шийвдэрлэхтэй холбогдох санал, санаачилгыг шинээр гаргах хууль тогтоолд тусгуулах, зөв хооллолт, аялал жуулчлал алхалт, нөхөн сэргээлт, эрүүл мэндийн үзлэг, оношлогоонд хамаарагдан эрүүл насжилтын нөхцөл бүрдүүлэхэд идэвхтэн сонгуультнуудын анхаарлыг төвлөрүүлэх хэлбэрээр ахмадын байгууллагын ажлыг шинэчлэхэд чухал үүрэг гүйцэтгэж байгаа Сүхбаатар дүүргийн С.Тогоохүү даргатай ахмадын хорооны хамт олон болон дүүргийн нийт ахмад настнуудад 17 дугаар жарны морилон ирж байгаа гал бичин жилийн хаврын тэргүүн сарын шинийн нэгний халуун баяр хүргэе. Та бүхний ухамсарт хөдөлмөрөөр бүтээгдэх эрүүл насжилтдаа өндөр амжилт гаргахыг хүсэн ерөөе.
Хэлэх эрхийн индэрт оролцон үзэл бодлоо илэрхийлэхийг хүсвэл 95260351 дугаарын утсаар холбоо барина уу.