Монголын шатрын холбооны гүйцэтгэх захирал Ц.Цогбаяр шатрын бодлого бодолтын дэлхийн залуучуудын аварга С.Билгүүнийг хүлээн авч уулзжээ. Шатрын бодлого бодолтын дэлхийн аварга шалгаруулах тэмцээний анхны алтан медалийг эх орондоо авчирсанд нь мөн баяр хүргэсэн байна.
Мөн Монголын үндэсний олимпийн хорооноос С.Билгүүнд “Алтан медаль” хүртээснийг уулзалтын үеэр гардуулан өгсөн байна. Түүнчлэн Монголын шатрын холбооны дэд ерөнхийлөгч П.Жигжидсүрэн, Удирдах зөвлөлийн гишүүн дасгалжуулагчийн зөвлөлийн дарга Ц.Лхагвасүрэн нарт шатрын олон улсын дасгалжуулагчийн сертификат, тэмдгийг гардуулжээ.