ХБНГУ Алжир, Тунис, Марокко улсын дүрвэгсдийг хүлээн авахгүй гэдгээ мэдэгдлээ. Германы Эдийн засгийн сайд Сигмар Габрейл хэлснээр өсөн нэмэгдэж байгаа цагаач иргэдийн урсгалыг сааруулах үүднээс ийм арга хэмжээ авчээ.
Тус улс өнгөрсөн онд 1.1 сая дүрвэгч хүлээн авсан байна. Тэдгээр дүрвэгчид гэмт хэрэгт олноор холбогдох болсноос германчууд цагаачлалын хуулиа чангатгахад хүрч байгаа аж.
Дашрамд дурдахад Европын орнуудад дүрвэн ирж байгаа цагаач иргэд амиа алдах нь олон болжээ. Тухайлбал өнгөрсөн сард Грекийн арлын ойролцоо цагаачдын завь хөмөрснөөс 26 хүн нас барсан байна. Мөн Турктэй зэрэгцээ орших Самос аралд амиа алдсан цагаачдын арав нь хүүхэд байжээ.