Нийслэлийн Засаг дарга бөгөөд Улаанбаатар хотын захирагч Э.Бат-Үүл Улсын ерөнхий прокурорт ханджээ.
Нийслэлийн иргэдийн төлөөлөгчдийн хурал дахь Монгол ардын намын бүлгийн дарга Д.Амарбаясгаланг өөрийг нь ор үндэслэлгүйгээр гүтгэсэн тул тэрээр шүүхэд хандсан талаар өмнө нь мэдээлэл гарч байсан. Д.Амарбаясгалан гүтгэлгээ зогсоохгүй, уучлалт гуйхгүй байгаа тул нийслэлийн Засаг дарга ийм алхам хийхээр шийджээ.
Энэ тухайгаа “Нийслэлийн иргэдийн төлөөлөгчдийн хурал дахь Монгол ардын намын бүлгийн дарга Д.Амарбаясгалан төлөөлөгчид намайг онц их хэмжээний хөрөнгийг үр ашиггүй зарцуулсан мэтээр гүтгэлэг явуулж, нийтэд мэдээлсэн асуудлыг шалгуулахаар холбогдох хууль тогтоомжид заасан үндэслэл журмын дагуу Монгол Улсын Ерөнхий Прокурорт гомдол гаргаад байна” гэж мэдэгдэв.