АН-ын Бодлогын зөвлөл ипотекийн зээлийг хэлэлцэв

АН-ын дүрэмд “Бодлогын зөвлөлтэй байна” гэж заасан байдаг. Үүний дагуу өнгөрсөн сарын эхээр Ардчилсан намын дарга З.Энхболд Бодлогын зөвлөл байгуулах шийдвэр гаргасан. Энэ нь Ардчилсан нам фракцигүй болж, салбар мэргэжлээ даган зөвлөлд хамаарах боломжийг гишүүддээ олгох зорилготой алхам ажээ.

УИХ ипотекийн зээлийн гацааг арилгаж, холбогдох хуульд өөрчлөлт оруулаад байгаа. Ийм алхам хийснээр орон сууц авахаар материалаа бүрдүүлсэн 700 гаруй иргэний зээлийг олгох шийдвэрийг банкууд гаргасан билээ. Парламент мөн ипотекийн зээлийг олгох ажлыг үргэлжлүүлэх зорилгоор Тэтгэврийн нөөц сангийн хуулийг баталсан юм. Засгийн газар ипотекийн зээлийн найман хувийн хүүг бууруулж тав болгох эсэхийг шийдвэрлэнэ.